ပူပူစပ်စပ်ဟင်းရည်လေးနဲ့ ဈေးနှုန်းသင့်တင့်တဲ့ 78 Hot Pot 888 views


အခုနောက်ပိုင်း ဟော့ပေါ့ဆိုင်တွေပိုများလာတယ်နော်… ကိုယ်လည်း ဟော့ပေါ့ခရေဇီဆိုတော့ ဆိုင်တွေတော် တော်များများကို လိုက်စားမိတယ်။ ပြီးတော့ ကိုယ့်ရဲ့ဘော်ဒါတွေကိုပြန်ရှဲပေးလေတယ်ပေါ့။ ဒီဆိုင်လေးက ကမ်းနားလမ်းမပေါ် (၁၂)လမ်းထိပ်မှာအသစ်ဖွင့်ထားတာ မကြာသေးဖူး။ ဒီဆိုင်လေးအကြောင်းကို ပြန်ပြောပြပေးရတဲ့အကြောင်းက သူ့ရဲ့ဟင်းရည်အရသာလေးလည်းစားလို့ကောင်းပြီး ဈေးနှုန်းလေးလည်း သင့်တင့်လို့ပါ။  

 

78 မှာက A La Cert နဲ့သွားတာ။ ကိုယ်ယူသလောက်ပဲပေါ့နော်။ Freezer ထဲမှာ အကုန်၊ အစုံထည့်ပေးထားတယ်။ အဲ့ဒီထဲကမှ ကိုယ်ကြိုက်တာကိုယူ။ ကိုယ်ကုန်နိုင်သလောက်ယူ။ ယူသလောက်ပဲရှင်းရတာပါပဲ။ အဲ့ဒီမှာ ဈေးနှုန်းတွေက အသီးအရွက်ဆိုရင် (၅၀၀)၊ အသားလုံးနဲ့ အသားလွှာဆိုရင် (၁၀၀၀)၊ ပင်လယ်စာတို့၊ ဝက်လျှာတို့ဆိုရင် (၁၅၀၀) လောက်ပဲရှိတယ်။ (၁၀၀၀)တန်ထဲမှာဆိုရင် အသားလုံးတွေအပြင် ကြက်သား၊ ဝက်သား၊ အမဲသား၊ ဝက်သုံးထပ်သား၊ အသဲအမြစ် အဲ့ဒါတွေပါပါပြီးသားဆိုတော့ စားရတာတန်ပါတယ်။

 

ဟင်းရည်မှာဆိုရင်လည်း အချိုနဲ့အစပ်ဆိုပြီးရှိတယ်။ ကိုယ်တွေကတော့နှစ်မျိုးလုံးယူတယ်။ အချိုကတော့ ပုံမှန်အရသာပါပဲ။ အစပ်မစားတဲ့လူကြီးတွေ နဲ့ ခလေးလေးတွေပါလာရင်တော့အချိုလည်းယူပေါ့။ သူကိုတော့ Free ပေးပါတယ်။ အစပ်ကတော့ ထူးခြားတယ်။ တရုတ်ဆေးမြစ်တွေ၊ ဘာတွေအဲ့ဒီလိုမျိုးနဲ့ပေါင်းစပ်ထားတာ။ သူကဒီဆိုင်ရဲ့ အဓိကလိုဖြစ်နေတာပေါ့။ အစပ်ယူရင်တော့ (၂၀၀၀)ကျပ် ပေးရတယ်။ သူကတော့ ကြိုက်သလောက်ယူ။ Free Flow ပဲသွားတယ်။ သူ့ရဲ့ဟင်းရည်အစပ်အရသာက ထုံသလိုလိုလေးနဲ့ စပ်တယ်။ ထုံတယ်ဆိုပေမယ့် အထုံစေ့တွေဘာတွေကသိပ်မပြင်းဖူး။ အနံ့နဲ့အရသာခပ်ပါးပါးလေးပဲရတယ်။ စပ်လည်း သိပ်မစပ်ဖူး။ (အစပ်လိုချင်ရင်တော့ထပ်တောင်းလို့ရတယ်။) ဟင်းရည်အိုးလေးမှာ ဇကာခွက်လေးနဲ့ အထုံစေ့တွေကို ခပ်ပေးထားတော့ အဲ့ဒီအထုံစေ့တွေက ဟင်းအိုးထဲ ရောမနေတော့ဘူး။ အဲ့တော့ ကိုယ်လဲအဲ့ဒီအစိလေးတွေကို မစားမိတော့ဖူးပေါ့။ ပြီးတော့ ဆေးမြစ်ဟင်းရည်အရသာက သိပ်ပြီး ထူးထူးခြားခြား ပြောင်းလဲသွားတာမျိုးမဟုတ်ပဲနဲ့ ကိုယ်တွေပုံမှန်စားနေကျထပ်ကို နည်းနည်းထူးခြားသွားတဲ့ သဘောလေးပါပဲ။ အရသာအသစ်လေးပေါ့။ သွားစားမယ်ဆိုရင်တော့ အစပ်လေးကိုစားဖြစ်အောင်စားကြည့် ကြပါလို့….

 

ဟော့ပေါ့နဲ့တွဲစားတဲ့ ဆော့စ်ကနှစ်မျိုးရှိတယ်။ တစ်မျိုးက သူတို့စပ်ပြီးသားလာချပေးတယ်။ နောက်တစ်မျိုးကတော့ ကိုယ့်စိတ်ကြိုက်သွားစပ်ရတာ။ အက်မင်တော့ သူတို့စပ်ပေးတဲ့ဆော့စ်ကိုပိုကြိုက်တယ်။

 

ဆိုင်ကသုံးထပ်ရှိတယ်။ လောလောဆယ်တော့ အောက်နှစ်ထပ်ပဲရသေးတယ်။ အပေါ်ထပ်ကပြင်ဆင်နေတုန်းမို့ နောက်အပတ်လောက်မှရမယ်ပြောတယ်။ အပေါ်ထပ်မှာရရင်တော့မိုက်တယ်။ ညဘက်ဆို လေလေးတဖြူးဖြူးနဲ့ ကမ်းနားဘက်ကိုလည်းမြင်ရ View လေးလည်းကောင်းတယ်။ အေးအေးဆေးဆေးလေး ထိုင်စားလို့ကောင်းတယ်။ မနက်(၁၁)နာရီကနေ ည(၁၀)နာရီအထိဖွင့်တယ်။

 

ဒါနဲ့ ဒီဆိုင်ကသင်္ကြန်တွင်းဖွင့်မှာတဲ့နော်… လျှောက်လည်ရင်းနဲ့ရေစိုစိုလေးတွေနဲ့ဟော့ပေါ့နွေးနွေးလေးသောက် မလား၊ အိမ်မှာနေရင်လည်း ညဖက်လေးဟော့ပေါ့ထွက်စား။ သင်္ကြန်ပိတ်ရက်ဆိုပြီး အိမ်မှာပဲနေပြီး စားချင်တာမစားရတော့မဖြစ်စေရတော့ဘူးပေါ့နော့် :P

 

ပိုက်ဆံရှင်းတော့ ကိုယ်တွေလေးယောက်စားတာ နှစ်သောင်းကျော်ကျော်ပဲကျတယ်။ တစ်ယောက်ကို (၅၀၀၀) ဝန်းကျင်ပေါ့။ ဒါကကိုယ်တွေလျှော့ပြီးစားတာလည်းမဟုတ်သလို လိုသလောက်ပဲယူထားတယ်။ ကိုယ်ကုန်နိုင်သလောက်ပဲယူပြီး ထပ်စားချင်မှ ထပ်ယူ။ အဲ့ဒီလိုဆိုဈေးလည်း အများကြီးကျမှာမပူရတော့ဖူး။ ဒါ့အပြင် ဧပြီတစ်လလုံး 10% Discount  ရှိတော့ အဲ့ဒီမှာလည်းထပ်လျှော့သေးတော့တန်ပြီလေ။

 

ဆိုင်နေရာက (၁၂)လမ်းထိပ်၊ ကမ်းနားလမ်းမပေါ်၊ လမ်းမတော်မြို့နယ်မှာရှိပါတယ်။ Reservation လုပ်ချင်ရင်တော့ 09-780809028-29 တွေကိုဆက်လို့ရတယ်။ Takeaway လိုချင်ရင်လည်း ဗူးလေးတွေနဲ့ထည့်ပေးတယ်တဲ့။

အောက်မှာဆိုင်ရဲ့ပေ့ခ်ျလင့်ခ်လေးထည့်ပေးထားတယ်နော်….

https://www.facebook.com/78hotpot/?hc_ref=SEARCH

 

Honey(MyLann)

#MyLann #Online_Restaurant_Directory #Online_Food_Guide #Online_Restaurant_Directory #Food_Review_in_yangon #Foodie_Myanmar #Food #Food_Lover #Food_Crazy #Foodoodie

#78_Hot_Pot #Hot_Pot #Hot_Pot_Lover #Hot_Pot_Crazy