ဟော့ပေါ့ Review လေးတင်ပါမယ်ဆိုမှကွာ ရာသီဥတုကမိုးအေးအေးနဲ့.... ဒိုးခပါပဲ :P :P 2062 views


ဟော့ပေါ့စားမယ်ဆိုရင် အရည်ရော၊ ဆော့စ်ပါ အရသာကောင်းမှ…။ ဈေးကြီးလို့လည်းမဖြစ်ပြန်ဘူး။ ဆိုင်အနေအထားကလည်း အေးအေးဆေးဆေးရှိမှ။ Service ကောင်းမကောင်းကိုလည်း ထည့်တွက်ရသေးတယ်။ ဟော့ပေါ့စားမယ်ဆို ဒီလိုမျိုးစဉ်းစားနေရတဲ့သူတွေအတွက် ဆိုင်လေးတစ်ဆိုင်နဲ့ မိတ်ဆက်ပေးချင်ပါတယ်။ ရွှေဂုံတိုင်လမ်းမပေါ်က ‘Hot Pot Valley’ ဆိုတဲ့ဆိုင်လေးက ဖွင့်တာတောင်သိပ်မကြာသေးဘူး။ Soft Opening ပဲရှိသေးတယ်။ ဒီမှာက ဟော့ပေါ့အဓိကရတယ်။ အဲ့ဒါအပြင် မာလရှမ်းကောပါရသေးတယ်။ ဟော့ပေါ့ကြိုက်တဲ့သူတွေဆို မြည်းစမ်းစားကြည့်သင့်တဲ့ဆိုင်လေးတစ်ဆိုင်ပါ…။ ဘာလို့မြည်းစားစေချင်လည်းသိချင်ရင် စာလေးသာသေချာဖတ်ကြည့်လိုက်ပါတော့နော်…

 

ဒီဆိုင်ကိုမြင်မြင်ချင်း ဆိုင်ကလည်းကြီးပြီး ခန့်ခန့်ကြီးဖြစ်နေတော့ နည်းနည်းတော့ရှိန်ချင်သလိုဖြစ်သွားတယ်။ ပုံစံကြည့်ပြီး ဈေးကြီးမယ်တော့ထင်ထားခဲ့တာပဲ…။ သူ့ဘာသူဈေးနှုန်းလေးတွေကအဆင်ပြေနေတာတော့ ကိုယ်လည်းမတတ်နိုင်ဖူး :P ဟီး တကယ်ပါ။ ဒီဆိုင်က ချိန်ပြီးစားတတ်မယ်ဆို သိပ်မကျဘူး။ Ala Cert ပုံစံမျိုးနဲ့ရောင်းတာပါ။ ALa Cert ဆိုတာတော့ သိတဲ့အတိုင်းပဲ ကိုယ်ကြိုက်တဲ့အသား၊ အသီးအရွက်နဲ့ ပင်လယ်စာ အဲ့ဒါတွေကို တစ်ပွဲဖြင့်တစ်ပွဲ၊ နှစ်ပွဲဖြင့်နှစ်ပွဲ ကြိုက်သလောက်မှာစားနိုင်တယ်။ ALa Cert အပြင် Combo Set ပုံစံလေးနဲ့လည်း ရနိုင်ပါသေးတယ်။ သူ့ရဲ့ဈေးနှုန်းတွေကတော့ မဆိုးဘူးပြောရမှာပဲ။ ဘာလို့ဆို ကြက်သား၊ ဝက်သား၊ အမဲသား အသားတွေကတစ်ပွဲကို ပျမ်းမျှအားဖြင့် (၃၀၀၀)ဝန်းကျင်ပဲ။ တစ်ပွဲမှာလည်းပါတာက ပုံမှန်လူဆို နှစ်ယောက်ပေါင်းစားနိုင်တယ်။ ဒါကတော့ Local အသားတွေပေါ့နော်။ Import ဆိုရင်တော့ဒီ့ထပ်နည်းနည်း ဈေးများမယ်။ ပြီးတော့ ပိုပြီးနူးနူးညံ့ညံ့လေးနဲ့ စားလို့ပိုကောင်းတယ်။ အခြားအသီးအရွက်တွေဆိုလည်း တစ်ပွဲ (၁၀၀၀)ဝန်းကျင်ပဲ။ ဟင်းရည်ကတော့တစ်ယောက်စာအတွက်ကို (၁၂၀၀)ဆိုလား။ လိုသလောက်ထပ်ဖြည့်ပေးတယ်။ အခြား အသားလုံးတွေ၊ မှိုတွေဘာတွေညာတွေလည်းရှိတယ်။ အဲ့ဒါတွေလည်း ပုံမှန်ဈေးလောက်ပါပဲ။

 

ဟော့ပေါ့ရဲ့အဓိကအကျဆုံး ဟင်းရည်အရသာက ဒီမှာသုံးမျိုးရှိတယ်။ အချိုရယ်၊ အစပ်နဲ့ အစပ်ဆုံး။ ကိုယ်ကတော့ ဘယ်အပြောကောင်းမလဲ အစပ်ဆုံးပဲစားတာပေါ့။ ဒါနဲ့ မေ့နေတာ ဟော့ပေါ့စတိုင်က စီချွမ်စတိုင်တဲ့။ စီချွမ်ဆိုလို့ ပူမယ်၊ ထုံမယ်ဆိုပြီးမတွေးလိုက်ပါနဲ့။ အပူအထုံအဲ့ဒီလောက်များများပါဝင်မှုမရှိဘူး။ စားလို့မရတဲ့အနေအထားမျိုးလည်းမဟုတ်ဘူး။ အဲ့ဒါအပြင် ဟင်းရည်ကလာချပေးကတည်းကကို အနံ့လေးက တော်တော်လေးကိုမွှေးနေတာ။ ဇီးသီးနံ့လေးကို သင်းနေတာပဲ…။ တော်တော်မွှေးမွှေးလေး။ အဲ့လိုပဲ အရသာလေးကလည်းပေါ့ပေါ့ပါးပါးလေးပဲသွားတယ်။ အဲ့ဒီအရည်နဲ့ပြုတ်ထားတဲ့အသားပြားလေးတွေဆိုလည်း အိပြီးစားလို့ကောင်းမှကောင်း။ ဟော့ပေါ့နဲ့တွဲစားတဲ့ဆော့စ်ကလည်း နှစ်မျိုးရှိတယ်။ နှစ်မျိုးလုံးစားကောင်းတယ်။ တစ်မျိုးကစပ်သလိုလိုလေး။ တစ်မျိုးကချဉ်တဲ့ဘက်ပိုသွားတယ်။ စပ်ပြီးသားဆော့စ်ကိုမှအခြားဟာတွေထပ်ထည့်ချင်လည်းရတယ်။ Sauce Counter ရှိတယ်။ ဒီကအသားလုံးတွေလည်းမိုက်တယ်။ တော်တော်စုံစုံလင်လင်လည်းရတယ်။ တစ်ပွဲချင်းလည်းကြိုက်တာ မှာစားလို့ရသလို Meat Ball Combo ဆိုတာလည်းရှိတယ်။ အဲ့ဒါဆိုရင်တော့အသားလုံးအစုံပါတယ်။ ဖက်ထုပ်တွေဘာတွေပါ ပါတယ်။ နောက် ငါးဖယ်ပြားတို့၊ ပုဇွန်ပြားတို့လည်းရှိတယ်။ အသားပြားတွေမှာဆိုရင် ကြက်သားရတယ်။ ဝက်သားမှာဆိုရင် ဝက်ဂုတ်သားသီးသန့်လည်းရတယ်။ အမဲသားကတော့ သုံးမျိုးတောင်ရှိတယ်။ Local ရယ်။ Import သားနှစ်မျိုးရတယ်။ Import သားကတော့ တစ်ပွဲကို (၈၀၀၀)တန်ရှိတယ်။ (၁၂၀၀၀)တန်ရှိတယ်။ ဈေးအကြီးဆုံးကတော့အမိုက်ဆုံးပေါ့။ အသားကောင်းကောင်းလေးစားချင်နေတဲ့သူတွေအတွက်တော့ အကိုက်ပဲ။ စားရတာလည်းနူးနူးညံ့ညံ့ လေးရှိတော့ တော်တော်များများလည်းကြိုက်ကြတယ်တဲ့။

 

ဟော့ပေါ့အပြင် နောက်ထပ်ရသေးတာက မာလရှမ်းကော။ သူကတော့ပွဲလိုက်ပဲရတယ်။ တစ်ပွဲကိုတော့ (၈၀၀၀)ကျပ်ပဲ။ အနည်းဆုံးတော့နှစ်ယောက်ကနေ သုံးယောက်စားလို့ရတယ်။ ဒီတစ်ပွဲမှာပါတာတွေက ပုံသေပဲ။ အသားတစ်မျိုးပါတယ်။ အခြားမှို၊ဘာညာ အသီးအရွက်တွေလည်းပါပြီးသားပဲ။ အဲ့ဒီမှာမှ Add on လုပ်ချင်တယ်ဆိုရင်လည်းရသေးတယ်။ သူကတော့ပွဲရေနဲ့သွားတယ်။ ဥပမာ ဘယ်အရွက်တစ်ပွဲ။ အသားလုံးကတော့တစ်ပွဲ စသဖြင့် အဲ့လိုထပ်ထည့်လို့ရတယ်။ အရသာကတော့ ကိုယ်တွေစားနေကျမာလရှမ်းကောတွေနဲ့မတူ အရသာလေးကနည်းနည်းသွားကွဲတယ်။ ဒါမယ့်လူတိုင်းလက်ခံနိုင်မယ့်ပုံစံမျိုးပါပဲ။ မာလရှမ်းကောကြိုက်တဲ့သူဆိုရင်ဒါလေးလည်းမြည်းစမ်းစားကြည့်ပေါ့နော့...

ဟော့ပေါ့နဲ့မာလရှမ်းကောက အက်မင်အကြိုက်ဆုံးတွေပါပဲ။ နှစ်ခုလုံးကလည်းဘယ်လောက်စားစားမရိုးဘူး။ အဲ့ဒါတွေအရမ်းစားချင်လာပြီဆိုရင်သိပ်စဉ်စားရခက်တယ်။ ဘာစားရမှန်းမသိ။ အခုလိုတစ်ဆိုင်ထဲမှာ နှစ်မျိုးလုံးရတယ်ဆိုတော့လည်း ကိုယ့်အတွက်အဆင်ပြေသွားပြန်ရော။ ဒါနဲ့ နောက်လလောက်ကျရင်တောင် အကင်ထပ်ရမယ်ပြောတယ်။ အဲ့ဒါဆိုရင်တော့ အတိုင်းထပ်အလွန်ပေါ့ဗျာ…။

 

အော် မေ့နေတာ။ တချို့ကဟော့ပေါ့ချည်းပဲစားရတာ အာသာမပြေတတ်တာတွေရှိတယ်လေ။ ထမင်းလေးပါ စားရမှဆိုရင်လည်း ဒီမှာထမင်းကြော်လည်းရသေးတယ်။ တုန်ယမ်းထမင်းကြော်၊ ကြက်သွန်ဖြူထမင်းကြော်၊ တရုတ်ထမင်းကြော် သုံးမျိုးရတယ်။ ကိုယ်တို့ကတော့ကြက်သွန်ဖြူထမင်းကြော်လေးစမ်းစားခဲ့တယ်။ ပူပူနွေးနွေးလေးနဲ့ ကြက်သွန်ဖြူအနံ့လေးလည်းသင်းလို့။ ကြက်သွန်ဖြူအရသာကအရမ်းတော့မများဖူး။ ခပ်ပါးပါးလေးပဲ ဆိုတော့ ပါးစပ်နံမှာဘာညာလည်းပူစရာတော့မလိုဘူး။

 

အအေးသောက်ချင်တယ်ဆိုရင် ဒီမှာရာသီပေါ်အသီးဖျော်ရည်အစုံရတယ်။ အက်မင်တို့က သရက်သီးနဲ့ ထောပတ်သီးသောက်ခဲ့တယ်။ ဖျော်ပေးထားတဲ့ပုံစံလေးက သကြားမပါပဲပုံမှန်လေးအတိုင်းပဲဖျော်ပေးထား တယ်။ အရသာကတကယ့်အသီးကိုစားနေရတဲ့သဘာဝအရသာလေး။ သကြားရည်ကိုခွက်သေးသေးလေးနဲ့ သပ်သပ်ထည့်ပေးထားလို့ အချိုကြိုက်တဲ့သူဆိုရင်လည်း ထည့်သောက်လိုက်ရုံပဲ။ ဆိုင်ရဲ့ Service တစ်ခုအနေနဲ့ရှိသေးတာက ဟော့ပေါ့စားပြီးပြီဆိုရင် ဒီကအကို၊အမတွေက ပင်ပွားနဲ့ ဖျော်ထားတဲ့ဖျော်ရည်လေးတွေတစ်ယောက်ကို တစ်ခွက်လာတိုက်တယ်။ ခံတွင်းလေးရှင်းသွားအောင်ပေါ့။ အစာပိတ်သဘောမျိုးလေး…။ အဲ့ဒါလေးလည်းသောက်ခဲ့တယ်။

 

ဒီဆိုင်မှာကိုယ်သတိထားမိတာတစ်ခုရှိတယ်။ အဲ့ဒါက အစားစာတွေရဲ့ပါဝင်မှုပမာဏ။ တစ်ပွဲတစ်ပွဲမှာလိုက်ပြီ ဆိုရင် Share စားမယ်ဆို နှစ်ယောက်လောက်စားလုိ့ရတဲ့အနေအထားမျိုး။ အရမ်းစားတတ်တဲ့သူ ဆိုရင်တော့လည်း တစ်ယောက်စာပေါ့။ ဒါမဲ့ပုံမှန်ဆိုရင်တော့ နှစ်ယောက်လောက်စားလို့ရတယ်။ အဲ့ဒါလေးတော့ တော်တော်လေးအဆင်ပြေစေမယ်။ ဟော့ပေါ့သွားစားမယ်ဆို တစ်ယောက်ထဲသွားစားတာ ရှားတယ်လေနော်။ အနည်းဆုံးတော့နှစ်ယောက်လောက်အဖော်စပ်ပြီးသွားစားနေကျပဲ။ အဲ့တော့ဒီဆိုင်လေးနဲ့က ဒါလေးတွေအဆင်ပြေစေနိုင်ပါတယ်။ ဆိုင်ကနှစ်ထပ်ရှိတယ်။ အောက်ထပ်ကတော့အဲကွန်းနဲ့အေးဆေးလေးထိုင်စားလို့ရတယ်။ (ကိုယ်စားနေတဲ့တလျှောက် အဲကွန်းအေးချက်ဆိုတာ စားနေရင်းချမ်းပါချမ်းတယ်) အပေါ်ထပ်ကတော့ free ပဲ။ လေဝင်လေထွက်ရှိတယ်။ နောက်ပိုင်းအကင်လည်းထည့်ဖို့ရှိတော့ အကင်ပါစားမယ်ဆိုရင်အပေါ်ထပ်မှာ စီစဉ်ပေးမှာတဲ့။

 

ခြံဝန်းထဲမှာကားပါကင်ရှိတော့ အဲ့ဒါစိတ်ပူစရာမလိုတော့ဘူး။ ဆိုင်အနေအထားအေးအေးဆေးဆေးရှိတယ်။ လူကြီးတွေနဲ့တူတူသွားစားမယ်ဆိုရင်လည်း ဆိုင်အနေအထားရော၊ အစားအစာအရသာပိုင်းပါ အဆင်ပြေသလို၊ လူငယ်တွေနဲ့ဆိုလည်း ခပ်မိုက်မိုက်ပုံစံဆိုင်လေးပါ။ ဆိုင်ပုံစံကြည့်ပြီးရှိန်သွားနိုင်ပေမယ့်ဈေးနှုန်းလည်း သိပ်မများလို့ ဘတ်ဂျတ်ကုန်မှာလည်းသိပ်ပူစရာမလိုပါဘူး။ နောက် Service ကလည်းတော်တော်လေးအဆင်ပြေတယ်ဗျ။

 

ဆိုင်ကနေ့လည်(၁၂)နာရီကနေ ည(၁၀)နာရီအထိဖွင့်ပါတယ်။ Reservation လုပ်ချင်ရင်လည်း 09-762356383 ပါ။ လိပ်စာအပြည့်အစုံက အမှတ် (၂၃၉)၊ အရှေ့ရွှေဂုံတိုင်လမ်း၊ ဗဟန်းမြို့နယ်မှာပါ။ ကိုယ်ပြောတာနည်းနည်းလေးတော့များသွားပြီ။

 

ဒီတစ်ခေါက်မှာတော့ ဟော့ပေါ့မှဟော့ပေါ့ဆိုတဲ့သူတွေအတွက် ဆိုင်လေးတစ်ဆိုင်နဲ့လမ်းညွန်ပေးခဲ့ပါပြီဗျာ….

Honey (MyLann)

#MyLann #Online_Restaurant_Directory #Online_Food_Guide #Food_Review_in_Yangon #Foodie_Myanmar #Food_Lover #Food_Crazy #Food #Hot_Pot_Valley #Hot_Pot #Mala_Shan_Kaw #Hot_Pot_in_Yangon #Hot_Pot_in_Town #Hot_Pot_Restaurant_in_Yangon #Hot_Pot_in_Bahan