ငယ်ငယ်ကစားခဲ့တဲ့ အသားတု၊ ပဲပြား၊ ပဲသွေးတုတ်ထိုးတွေ သွားစားကြမယ် 2394 views


အက်မင်တို့ငယ်ငယ်က လမ်းထဲမှာအန်တီကြီးတွေရောင်းတဲ့ တုတ်ထိုးလေးတွေ တစ်ချောင်း(၂၀)တို့ (၅၀)တို့။ အဲ့ဒါကိုမုန့်ဖိုးလေးတွေစုပြီး သွားသွားစားကြတာ။ အခုလည်း ပေါက်ကံညဈေးတန်းထဲမှာ မိုး ဆိုတဲ့ဆိုင်လေးကို တွေ့လို့ အဲ့ဒီမှာလည်း အဝအပြဲစားခဲ့တယ်။

သူ့ဆီမှာရတာက မန္တလေးကြာဇံချက်၊ တုတ်ထိုးအစုံနဲ့ ပဲပြားအစာသွပ်၊ ငါးဖယ်အစာသွပ်။ ပေါက်ကံထဲကို ဝင်သွားတာနဲ့ အပေါက်ဝ တည့်တည့်လောက်မှာရှိတယ်။ တုတ်ထိုးတွေကိုမှန်ဘောင်ထဲထည့်ထားတယ်။ ပဲပြားတုတ်ထိုး၊ ငါးဖယ်တုတ်ထိုး၊ ပဲသွေး၊ အသားတု၊ သခွားသီး၊ ရုံးပတီသီး တုတ်ထိုး အစုံပဲ။ တစ်ချောင်းတစ်ရာပဲ။ ကိုယ်အများဆုံးစားခဲ့တာက အသားတုနဲ့ ပဲပြား၊ ပြီးတော့ ငါးဖယ်။ သခွားသီးဆိုရင်လည်း ကြွပ်ကြွပ်လေးနဲ့ ကိုက်စားလို့ကောင်းတယ်။ တုတ်ထိုးနဲ့တွဲစားတဲ့အချဉ်ကလည်းစပ်ထားတာ မိုက်တယ်။ ကိုယ်တွေတော့ အဲ့ဒါကိုမှ ငရုတ်သီးမှုန့်တွေထပ်ထည့်ပြီးဆွဲ။ မိုက်တယ်။

 

ကြာဇံချက်ကလည်း ပူပူလေး။ တစ်ပွဲကို (၁၀၀၀)တဲ့။ အချဉ်လေးညှပ်၊ နံနံပင်လေးထည့်ပြီး ငရုတ်သီးမှုန့်လေး ထပ်ထည့်စား အာလည်းပူ၊ လျှာလည်းပူနဲ့ စားကောင်းသောက်ကောင်းပဲ။ တုတ်ထိုးတို့ ကြာဇံချက်တို့စားရင်တော့ ရတာမြန်တယ်။ ဘာမှလည်းသိပ်လုပ်စရာမလိုဘူးကိုး။ ပဲပြားအစာသွပ်တို့ ငါးဖယ်အစာသွပ်တို့ စားချင်ရင်တော့ နည်းနည်းလေးစောင့်ပေးရပါတယ်။ ဘာလို့ဆို သူကတစ်ပွဲမှာမှ တစ်ပွဲလုပ်တာဆိုတော့လေ။ စောင့်ရပေမယ့် အဲ့လိုလေးလုပ်ပေးတာက လတ်လတ်ဆတ်ဆတ်လေးနဲ့ ပိုစားကောင်းမှာပါ။ အရှေ့မှာပွဲတွေရှိရင်တော့လည်းနည်းနည်းပိုစောင့်ရမှာပေါ့။ အကယ်၍ အစာသွပ်တွေစားမယ်ဆိုရင်တော့ နေရာမှာပဲထိုင်စောင့်နေပြီးသူတို့လာပို့ပေးနေတာတွေတော့တွေ့ခဲ့တယ်။ အက်မင်တို့လည်း ရှေ့မှာလူများနေတာနဲ့ အဲ့ဒါတွေမစားခဲ့ပဲ တုတ်ထိုးတွေပဲ ကစ်ခဲ့တယ်။

 

စိတ်ဝင်စားရင်တော့ ဒီဆိုင်လေးက ပေါက်ကံညဈေးတန်းမှာရှိပါတယ်။

 

Honey (MyLann)

#MyLann #Online_Restaurant_Directory #Online_Food_Guide #Food_Review_in_Yangon #Foodie_Myanmar #Restaurant_in_Yangon

#Moe #Kyar_San_Chat #Tote_Htoe

#Honey_Foodie