ပင်လယ်စာရခိုင်ချဉ်စပ်ချက်လေးတွေကို ဈေးသက်သက်သာသာလေးနဲ့ပဲစားပြီး ဗိုက်ကားသွားစေမယ့်ဆိုင်တစ်ဆိုင် ထပ်တွေ့ပြီ 1952 views


ပင်လယ်စာတွေကိုရခိုင်ချက်ပုံစံမျိုးနဲ့၊ ဈေးသက်သာတဲ့ဆိုင်တစ်ဆိုင်တဲံ။ အလုံက ဘော်ဒါတစ်ယောက် သတင်းလှမ်းပေးတာနဲ့ပဲ ကျွန်မနဲ့သူငယ်ချင်းနှစ်ယောက် အပြေးလေး ချီတက်သွားကြတယ်ပေါ့။ ဒီဆိုင်မှာက ပင်လယ်စာကိုမှပုံစံမျိုးစုံနဲ့လည်းရသလို ရခိုင်ချက်၊ ယိုးဒယားစတိုင်ချက်၊ တရုတ်ချက် စသဖြင့် အဲ့လိုတွေရတယ်။ ဆိုင်ကတိုက်ခန်းမြေညီထပ်လေးမှာပဲဖွင့်ထားတာ။ အလယ်အလတ် လေးပါပဲ။ ဈေးလည်းမကြီးပဲ သက်သက်သာသာနဲ့စားနိုင်လို့ အကုန်လုံးကိုပြန်ရှဲပေးချင်ပါတယ်။ ဆိုင်က အလုံလမ်းမပေါ်၊ ဌာနလမ်းထိပ်နားမှာပါ။ (ဆင်မင်းဈေးမှတ်တိုင်နဲ့နီးပါတယ်)  ဆိုင်နာမည်က စားဟယ် Seafood တဲ့။ 

 

သူငယ်ချင်းတွေအုပ်စုလိုက်ကြီးစားမယ်ဆိုလည်းရတယ်၊ နောက်ပြီးမိသားစုထမင်းဝိုင်းတွေ အတွက်လည်းအဆင်ပြေတယ်ဆိုတဲ့ဆိုင်မျိုး။  ဒီကဟင်းပွဲလေးတွေရဲ့ဈေးနှုန်းက တစ်ပွဲကို(၂၅၀၀)ကနေ (၄၈၀၀)အတွင်းပဲ။ ဒီမှာကရခိုင်ချက်၊ ယိုးဒယားချက်ဟင်းပွဲတွေအပြင် တရုတ်ချက် ထမင်းကြေ်ာ၊ ကြာဇံကြော်၊ အစိမ်းကြော်ဘာညာ အဲ့ဒါတွေလည်းရတယ်။ အဲ့ဒီအနီးတဝိုက်ကလည်း အဲ့ဒါလေးတွေလာလာဝယ်ကြတာ ကိုယ်အဲ့ရောက်နေတဲ့အချိန်တွင်းတော့ တွေ့ခဲ့ရတယ်။

 

အရင်ဆုံးပြောချင်တာက ဂဏန်းပေါ့နော်။ ဂဏန်းဆိုရင ပုံမှန်ပွဲသေးကို (၄၈၀၀)၊  ကျွန်မတို့စားခဲ့သလို အကောင်ကြီးပွဲကြီးဆိုရင်တော့ (၁၂၀၀၀) ဆိုတော့ စားမယ့်လူလည်းများပြီးပိုစားနိုင်တယ်ဆို အကောင်ကြီးပွဲကြီးကပိုတန်ပါတယ်။ ပွဲသေးဆိုရင်တော့နှစ်ယောက်လောက်တော့စားရမယ်ပေါ့။ (၄၈၀၀)ဆိုတော့လည်းမဆိုးဘူးလေ။ ဂဏန်းကိုမှပုံစံမျိုးစုံနဲ့စားလို့ရတယ်။ ကိုယ်ကြိုက်သလိုလေးပြောပေါ့နော်။ ကျွန်မတို့စားခဲ့တာက ဂဏန်းစင်္ကာပူချက်။ အရသာလေးတွေကတော့မဆိုးဘူးပဲ။

 

အခြားပုစွန်၊ ပြည်ကြီးငါး၊ ဂုံး၊ ငါး၊ ငါးရှဉ့်၊ မရွတ်၊ ရေခူ အဲ့ဒါတွေလည်းပုံစံမျိုးစုံနဲ့ရသေးတယ်။  ရခိုင်ဆိုင်ဆိုတော့ရခိုင်ချက်အရသာတွေတော့မိုက်တယ်ပေါ့။ ပြီးတော့ဟင်းပွဲလုပ်တာကသိပ်တော့မကြာဘူး။ ဒါမဲ့လူကျနေရင်တော့လည်းအလှည့်ကျဆိုတော့ နည်းနည်းတောင့်စောင့်ရမယ်ပေါ့။ ကိုယ်တွေသွားတုန်းက ကိုယ်တွေအပြင်အခြားတစ်ဝိုင်း၊ နှစ်ဝိုင်းရှိတယ်။ အဲ့ဒါတောင် (၁၀)မိနစ်၊ (၁၅)မိနစ်လောက်ပဲစောင့်ရတယ်။ မစောင့်ချင်ရင်လည်း  သွားနေတုန်းဖုန်းဆက်ပြီးကြိုမှာထား။ အဲ့သလိုလည်းအဆင်ပြေတယ်။

 

ရခိုင်စာဆို ကြက်သောက်စမ်းချက်ထားတာ။ မိုက်မှမိုက်။  ပူ၊ စပ်ပြီးတော့ ရှူးရှူးရှဲရှဲနဲ့။ အဲ့ဒီလိုလေးက တော်တော်လေးသောက်လို့ကောင်းတယ်။ ပူပူနွေးနွေးလေးဆိုတော့ ပြောစရာတောင်မလိုတော့ဘူး။ ပိုစား ကောင်းသွားတယ်။ ဒါနဲ့ဒါကိုဟင်းရည်အနေနဲ့သောက်ရုံတင်မကပဲ ဟင်းတစ်ခွက်အနေနဲ့တောင်စားလို့ရတယ်။ ဒီဟင်းလေးတစ်ပွဲထဲနဲ့လည်းထမင်းစားမြိန်သွားနိုင်တယ်။ သူကပွဲကြီး၊ ပွဲသေးရှိတယ်။ ကိုယ်တွေစားခဲ့တာ ပွဲသေးကို သုံးယောက်စားလို့ရတယ်။ တစ်ပွဲကို (၂၅၀၀)ကျပ်ပဲ။

 

ကျွန်မအကြိုက်ဆုံးတွေထဲကတစ်ခုက ယိုးဒယားငါးကြော်သုပ်။ အဲ့ဒါလေးတော့တော်တော်လေးစားကောင်း တယ်။ ငါးကြော်ကိုမှခပ်ကြွပ်ကြွပ်လေးကြော်ထားတာ။ အဲ့ဒါကိုမှအပေါ်ကနေ ငရုတ်သီးစိမ်းနဲ့ ကြက်သွန်ဖြူပေါင်းထားတဲ့ဆော့စ်ဖြန်းထားတယ်။ အဲ့အပေါ်မှာမှ ကြက်သွန်နီကိုအကွင်းလိုက်တင်ပေးထား သေးတယ်။ အဲ့ဒါလေးကချဉ်စပ်ကြိုက်တဲ့လူဆိုစားသင့်တယ်။ ငါးကြွပ်လေးကို ဂျွတ်ဂျွတ် ဂျွတ်ဂျွတ်နဲ့ဝါးလိုက်။ အချဉ်လေးတွေစားလိုက်နဲ့။ တကယ်ပြောတာ။ ငါးလည်းကြိုက်တယ်၊ ချဉ်စပ်လည်းကြိုက်တယ်ဆို ဒါလေးစား ကြည့်ခဲ့ဖို့ အကြံပေးလိုက်ပါရစေ။ သူကတော့တစ်ပွဲကို (၆၀၀၀)တဲ့။ တော်တော်လေးလည်းစားရတယ်။

 

ကြာစွယ်ကြိုက်တဲ့မမတွေအတွက် ကြာစွယ်ငရုတ်သီးကြော်။ အဲ့ဒါလေးလည်းမဆိုးဘူး။ ကိုယ်ကပုံမှန်ဆို ကြာစွယ်သိပ်မစားဘူး။ အခုလည်းဘော်ဒါတွေစားကြမယ်ဆိုလို့သာမှာလိုက်တာ။ စားကြည့်တော့လည်း တစ်မျိုးလေးပဲ။ ကြာစွယ်ကလည်းကြွပ်သလိုလိုလေးနဲ့သူ့ရဲ့အချိုအရသာလေးလည်းပါတယ်။ အဲ့ဒါကိုမှ ငရုတ်သီးရဲ့အစပ်လည်းပါတော့ ချို၊ သလိုစပ်သလိုလေးနဲ့ပေါ့

 

ကိုယ်တွေတော့ဒါတွေပဲစားခဲ့ပါတယ်။ အော် ဒါနဲ့ ဒီမှာအချိုပွဲအနေနဲ့ ပန်းသီးကြော်စားခဲ့သေးတယ်။ ပန်းသီးကို မုန့်နှစ်နဲ့ကပ်ပြီးကြော်ထားတာ။ ချိုသလိုလိုနဲ့ဆိမ့်ဆိမ့်လေး။ အထဲကပန်းသီးလေးကလည်း ပျော့သွားပြီးတော့ စားရတာတော့အဆင်ပြေတယ်။ များများစားရင်တော့အီမယ်ထင်တယ်။ အဲ့ဒါနဲ့တို့စားဖို့ မရောနိစ့်လည်းထည့် ထားပေးတယ်။ ကိုယ်တော့ပန်းသီးကြော်နဲ့ပဲတော်တော်ကောင်းနေပြီ :3

 

အလင်းတွေလည်းပြခဲ့ပြီးပြီဆိုတော့ဒီလောက်နဲ့ပဲကျေနပ်ပါတော့နော် :3

 

ဆိုင်လိပ်စာပြန်ပြောရမယ်ဆို ဆင်မင်းဈေးမှတ်တိုင်နား၊ အလုံလမ်းမပေါ်၊ ဌာနလမ်းထိပ်မှာရှိပါတယ်။ 01223988, 09-454441412 အဲ့ဒီဖုန်းတွေကိုဆက်လို့ရတယ်။ ဆိုင်ရောက်ပြီးမှအကြာကြီးထိုင်မစောင့်နိုင်ရင် ကြိုမှာထားပေါ့နော်။ အလုံတဝိုက်ဆိုလည်း Delivery ရှိတယ်တဲ့ဗျ။

ကဲ ဒီနေ့တော့ဒီလောက်ပါပဲဗျ….

Honey (MyLann)