တာမွေ၊ ဗျိုင်းရေအိုးစင်လမ်းထဲက #ရွှေကောင်းကင် မီနီဟော့ပေါ့ဆိုင်လေးကိုမှတ်မိကြသေးလား ? 689 views


အရင်တစ်ခေါက်ကကိုယ်တွေလမ်းကြုံလို့ဝင်စားရာကနေ ခုတစ်ခေါက်ကတော့ သတိရလို့တမင်ကိုသွားစား ပြိုက်တယ်။ သူငယ်ချင်းကစားချင်တာ ဟော့ပေါ့၊ ကိုယ်ကအကင်ဆိုတော့ဆိုင်ကလည်းရွေးရခက်။ ကြိုက်သလောက်အဝစားနှစ်ယောက်၊ သုံးယောက်လောက်မှ တစ်သောင်း၊ တစ်သောင်းခွဲကျတာဆိုတော့ကာ ဘတ်ဂျက်အခြေအနေအရ ချွေတာရေးလေးလည်းလုပ်ရတယ်လေကွယ်။

ဆိုင်ကို ရောက်တော့ဆိုင်မှာရတဲ့အမယ်တွေက အရင်ကနဲ့ထက်ပိုများလာတယ်။ ကြက်သား၊ ဝက်သား၊ ကင်းမွန်၊ ပုဇွန်နဲ့ ဂဏန်းတွေအပြင် ယိုးဒယားအကင်တွေလည်းပိုစုံလာတယ်။ ဝက်သားဆိုရင်ပဲ အရသာတစ်ခါ ထဲနယ်ပြီးသား ဝက်သားအစပ်နဲ့ဟာရယ်၊ နောက်ပြီး ဝက်နံရိုးရယ်ဆိုပြီးရှိတယ်။ ပုဇွန်ဆိုရင်ပဲ ပုဇွန်အကြီးတွေရော၊ အသေးတွေရော။ နောက် ငုံးဥ၊ ကြက်ဥပေါင်းတွေအပြင် ဟော့ပေါ့နဲ့လိုက်တဲ့ အပ်မှို တွေရောတစ်ပွဲချင်းစီရနေပြီ။ ဈေးနှုန်းတွေက (၁၀၀)ကနေ (၁၀၀၀)အတွင်းပဲရှိတယ်။ ကြက်သားလွှာ၊ ဝက်သားလွှာအစပ်နဲ့ နံရိုးတွေကတစ်ပွဲကို (၅၀၀)ထဲရယ်။ အသီးအရွက်တွေတော့အရင်တိုင်းပဲ တစ်ပွဲကို (၂၀၀)။ အရည်နဲ့ပထမအရွက်တစ်ပွဲကတော့ (၁၅၀၀) သူကအရင်တိုင်းပဲ။

ဒီဆိုင်လေးကဟိုတစ်ခေါက်ကလည်းရေးထားတယ်ဆိုတော့သိပ်ပြီးပြောဖို့တော့မလိုတော့လောက်ဖူးနော့်။ ဒါပေမယ့်ပြောချင်တာလေးတော့ရှိတယ်။ အဲ့ဒါကဟော့ပေါ့ဆော့စ်အနှစ်က အရင်တစ်ခေါက်ကနဲ့မတူတော့ဘူး။ အရသာကပိုပြီးတော့လေးလေးနက်နက်လေးဖြစ်သွားတယ်။ :P ဟီး ပိုပြီးစားကောင်းသွားပါတယ်လို့။ အကင်နဲ့တို့စားရတဲ့အချဉ်ကလည်းအဇမ်းကောင်းသွားတော့ ကိုယ်တွေပျော်ပြီလေ :P

နောက်ဟော့ပေါ့နဲ့တွဲပြီးစားလို့ရမယ့် တရုတ်အစားအစာတွေလည်းရတယ်တဲ့။ အသီးဖျော်ရည်၊ ဒိန်ချဉ်နဲ့ ဖာလူဒါ တွေလည်းရနေပြီ။ ကိုယ်တွေတော့ ဒိန်ချဉ်နဲ့ဖာလူဒါသောက်ခဲ့တယ်။ ဒိန်ချဉ်ရော ဖာလူဒါရောတစ်ခွက် တစ်ထောင်တဲ့။ အခြားအသီးဖျော်ရည်တွေဘာတွေဆိုလည်း (၁၀၀၀)ပဲ။ နောက် ရေခဲမုန့်လည်းရတယ်တဲ့ဗျ။ သူကကျတော့ ဗူးနဲ့ပေါ့နော်။ တစ်ဗူးကို (၆၀၀)ဆိုလား၊ အရသာတွေလည်းအစုံပဲ။ အဲ့ဒီတော့တစ်နေရာထဲမှာတင်ဟော့ပေါ့ချည်းတင်မကတော့ဘူး။ အဲ့ဒါတွေနဲ့တွဲစားလို့ရတဲ့ အအေးလေးလည်းသောက်၊ ရေခဲမုန့်လည်းဆွဲလို့ရပြီ

ကိုယ်တွေသူငယ်ချင်းနှစ်ယောက် ဟော့ပေါ့နဲ့အကင်အဝစားတယ်။ အအေးတွေလည်းသောက်တယ်။ အဲ့ဒါကို (၁၂၀၀၀)လောက်ကျတယ်ဆိုတော့ကာ စားပျော်တယ်လေ။ ကိုယ်တွေကနှစ်ယောက်ထဲဆိုတော့ တစ်ယောက်(၆၀၀၀)ပတ်ဝန်းကျင်လောက်ကျတယ်။ အမှန်တော့ဒီလိုမျိုးစားတာက လူများလေပိုတန်လေပဲ။ ကိုယ်တွေလည်းခဏခဏရောက်ဖြစ်တယ်။ သူ့ရဲ့ပြောင်းလဲသွားတဲ့အရသာလေး နဲ့ အမျိုးအမည်လေးတွေထပ်တိုးထားတာကြောင့် MyLann ဘော်ဒါတွေကိုပြန်ရှဲပေးတာပါနော်။

လိပ်စာလေးထပ်ပြောရမယ်ဆိုရင်ဖြင့် အမှတ်(၂၂)၊ဗျိုင်းရေအိုးစင်လမ်း၊ ဗျိုင်း/ရွာမရပ်ကွက်၊ တာမွေမြို့နယ်မှာပါ။ တာမွေဈေးမှတ်တိုင်ကနေ ဗျိုင်းရေအိုးစင်လမ်းအတိုင်းအထဲဝင်သွားရမှာပါ။ ဆိုင်မတွေ့ရင် 09-253099277 ကိုဆက်လိုက်နော်။

Honey (MyLann)

#MyLann #FoodieMyanmar #Foodinyangon
#ShweKaungKin #MiniHotPot #HotPot #BBQ #Tarmwe #StreetFood #Delicious #HotPotCray #HotPotLover #BBQCrazy #BBQLover

 

 

 

 

+6