ကိုရဲဝင့်သူ၏ "သူမြည်းစမ်းကြည့်ခဲ့သောအစားအစာများ" Series #3 941 views


ရဲဝင့်သူရဲ့ "သူမြည်းစမ်းကြည့်ခဲ့သောအစားအစာများ" Series #3
--------------------------------------------------------------------------
ဆီချက်ဆိုတာကတော့ မြန်မာလူမျိုးတွေနဲ့ရင်းနှီးပြီးသားအစားအစာတစ်မျိုးပါ။ ခေါက်ဆွဲဆီချက်၊ ကြာဇံဆီချက်၊ ဖက်ထုပ်ဆီချက်နှင့် ညှပ်ခေါက်ဆွဲဆီချက်ဆိုပြီး ပုံစံအမျိုးမျိုးနဲ့ တွေ့မြင်ရပါတယ်။ အများဆုံးတွေ့ရတာကတော့ ခေါက်ဆွဲဖြစ်ပြီး ချက်ပြုတ်မှုနည်းအမျိုးမျိုးရှိပါတယ်။ အဓိကအရေးကြီးဆုံးကတော့ ကြက်သွန်ဖြူဆီချက်ပါ။ ရယ်ဒီမိတ်ကြက်သွန်ဖြူကြော်ကို ထောင်းထည့်ပြီးဆီသတ်တာ၊ ကြက်သွန်ဖြူကို ပါးပါးလှီးပြီးဆီသတ်တာ၊ ကြက်သွန်ဖြူကိုထောင်းပြီးဆီသတ်တာ၊ ရှမ်းကြက်သွန်ဖြူဆီသတ်တာ ဆိုပြီးနည်းအမျိုးမျိုးနဲ့ ဆီချက်ချက်ကြတယ်။ ခေါက်ဆွဲဆိုရင်လည်း ဆီချက်အတွက် သီးသန့်ထုတ်တဲ့ခေါက်ဆွဲကသာ အကောင်းဆုံးဗျ။ ဒီလိုခေါက်ဆွဲမျိုးတွေကတော့ လသာနဲ့ လမ်းမတော်တစ်ဝိုက်မှာရနိုင်ပါတယ်။ ဒီတစ်ခေါက်တော့ စားခဲ့ဖူးတဲ့ဆီချက်ဆိုင်တွေကို မှတ်မှတ်ရရပြောပြချင်ပါတယ်။

၁။ ပထမဆုံးပြောချင်တာကတော့ ရွှေတောင်တန်းလမ်းထဲမှာရှိတဲ့ ဦးကျင်သိန်း ဆိုတဲ့ဆိုင်လေးပါ။ အခုအချိန်ထိစားခဲ့ဖူးသမျှထဲမှာတော့ အရမ်းအရသာကောင်းတယ်လို့ ခံစားမိတာပဲဗျာ။ သုံးထားတဲခေါက်ဆွဲနဲ့ ဆီကလည်းပြောစရာမရှိဘဲ ကြာကြာထားရင်လည်း ထွေးမသွားတဲ့ဆီချက်ပါ။ ဆီချက်အပြင် ကော်ရည်၊ ငါးဖယ်လုံးနှင့် အသားလုံးတွေပါရနိုင်ပါတယ်။ ဆိုင်သက်တမ်းက နှစ်ပေါင်းများစွာကြာရှည်နေတဲ့အပြင် မန္တလေးနှင့် ပြင်ဦးလွင်မြို့တွေမှာပါ ဆိုင်ခွဲတွေရှိနေပါသေးတယ်။ အသားလုံးဟင်းချိုနှင့် ကော်ရည်အရသာတွေက သူမတူအောင် အရမ်းကောင်းတာပါ။ Diet လုပ်ချင်တဲ့လူတွေအတွက်လည်း ဆီလျှော့ထားတဲ့ ကန်စွန်းရွက်ဆီချက်နှင့် ငါးလုံးဟင်းရည်လည်းရသေးတယ်ဗျ။

၂။ ကျွန်တော်ငယ်ငယ်တုန်းကစားခဲ့ဖူးတဲ့ အနော်ရထာလမ်းနှင့် ၃၆လမ်းထောင့်ကဆိုင်လေးကတော့ ခုထိမှတ်မှတ်ရရပါပဲ။ ထူးခြားတာက သုံးထားတဲ့ခေါက်ဆွဲ။ သူ့ရဲ့မညီမညာခေါက်ဆွဲပုံစံလေးက တမူထူးခြားနေတာပါပဲ။ လေ့လာမိသလောက်ကတော့ လက်လုပ်ခေါက်ဆွဲဖြစ်နေလို့ပါတဲ့။ ခေါက်ဆွဲကြည်ကြည်လေးနဲ့ သူ့ရဲ့အရသာက ၁၅နှစ်ကျော်ကြာခဲ့တာတောင် အခုချိန်ပြန်စဉ်းစားရင် မမေ့နိုင်လောက်အောင်ကိုကောင်းနေတော့တာပဲဗျာ။

၃။ ၃၁လမ်း (အောက်လမ်း) နှင့် မဟာဗန္ဓုလလမ်းထောင့်မှာရှိတဲ့ မိုးကုတ်ရှမ်းခေါက်ဆွဲဆိုင်အကြောင်းလည်းမပြောမဖြစ်ပြောရပါအုံးမယ်။ ဂျုံခေါက်ဆွဲအမျိုးအစားဖြစ်ပြီး ရှမ်းခေါက်ဆွဲအရွယ် ခေါက်ဆွဲအသေးလေးတွေက ထူးခြားနေပါတယ်။ ရှမ်းကြက်သွန်ဖြူကိုထောင်းပြီးဆီသတ်ချက်ထားတဲ့ ဆီချက်လေးက အရမ်းမွှေးပြီးစားချင်စရာအရမ်းကောင်းးတယ်ဗျ။ အရွက်တွေအပြင် ခေါက်ဆွဲကြွပ်ကြော်ပါ ပါတဲ့အတွက် အရသာကလည်းအရမ်းထူးခြားနေပါတယ်။

၎။ လမ်း ၂၀၊ ရ.ဝ.တ ရုံးနားက အဖိုးအဖွား ၂ယောက်ရောင်းတဲ့ဆိုင်လေးကတော့ မစားဖြစ်တာကြာပေမယ့် မှတ်မှတ်ရရရှိနေတုန်းပါပဲ။ သုံးထားတဲ့ခေါက်ဆွဲကြောင့် အရသာကတော့ ပြောစရာမလိုအောင်ပါပဲ။ အဲဒီ့ဆိုင်မှာ နာမည်ကြီးတာကတော့ ကြက်ပေါင်းပါ။ အရမ်းရောင်းရတာမို့ ပုံမှန်က မရတတ်တာများပြီး ကုန်တာအရမ်းမြန်ပါတယ်။ အချိန်ကြာနေပြီဖြစ်တဲ့အတွက် ခုချိန်ရှိသေးလားတော့မသိတော့ပေမယ့် ခုထိသူ့အရသာကို မှတ်မိနေတုန်းပါ။

၅။ လမ်းမတော်၊ ၁၁လမ်းနှင့် အနော်ရထာလမ်းထိပ်မှာရှိတဲ့ဆိုင်လေးကတော့ တကယ့်ကိုအရသာကောင်းပါတယ်။ ငယ်ငယ်ကတည်းကစားလာတဲ့အရသာက ခုထိမပြောင်းလဲသေးတာ အံ့မခန်းပါပဲ။ အဓိကကတော့ ဆိုင်ကပေးတဲ့ဟင်းရည်က အရမ်းကိုကောင်းမွန်တာပါ။

၆။ Junction Mawtin အနီး၊ ရွှေပုဇွန်ရဲ့မျက်နှာချင်းဆိုင်မှာရှိတဲ့ အသားကင်ဆီချက်ဆိုင်အကြောင်းလည်းပြောချင်ပါသေးတယ်။ ဒီလိုဆီချက်မျိုးကို ဘန်ကောက်၊ စင်ကာပူနှင့် မလေးရှားတို့မှာ နာမည်ကြီးတာတွေ့ရပါတယ်။ ဟိုမှာကတော့ ခေါက်ဆွဲအရွယ်အစားပိုသေးပြီး ဒီဆိုင်မှာတော့ ပုံမှန်ဆီချက်ခေါက်ဆွဲပုံစံပါပဲ။ ထူးခြားတာက သူ့ရဲ့အသားကင်ပါ။ နီရဲကြွပ်ရွနေပြီး စားချင်စရာကောင်းအောင်စွဲဆောင်နေပါတယ်။ ဆီချက်နှင့် အသားကင်များတွဲဖက်စားလိုက်လို့ကတော့ ဆွေမျိုးတောင်မေ့သွားလောက်တယ်ဗျ။

ဒီတစ်ပတ် အလုပ်များနေတဲ့အတွက် သေချာမတင်ဆက်ပေးလိုက်နိုင်တာကို အနူးအညွတ်တောင်းပန်ပါတယ်ဗျာ။ ကောင်းမွန်တဲ့နည်းစနစ်ကတော့ ဆီချက်ပြုလုပ်ရာမှာ ရှမ်းကြက်သွန်ဖြူဥ တစ်လုံးကိုထောင်းပြီးဆီသတ်ကာ အကောင်းဆုံးကြက်ပေါင်းရည်နှင့် ကြက်အဆီအနှစ်တို့ပေါင်းစပ်လိုက်ရင်တော့ အရမ်းကောင်းတဲ့အရသာကိုရမှာပါ။ 
နောက်တစ်ပတ်မှာလည်း ဆောင်းတွင်းနဲ့ပတ်သက်တဲ့အစားအစာကို တင်ဆက်ပေးမှာမို့ လက်မလွတ်တမ်းစောင့်ကြည့်ကြပါအုံးလို့